O IES Río Cabe volveu destacar no certame Parlamento Xove ao situar nas semifinais aos seus equipos de ESO e Bacharelato. Os estudantes lograron superar as diferentes fases da competición e participaron na xornada decisiva celebrada no Parlamento de Galicia, un dos principais foros de oratoria xuvenil da comunidade.
A clasificación supuxo un recoñecemento ao traballo desenvolvido ao longo do curso tanto polo alumnado como pola profesora coordinadora, Pilar López. A comunidade educativa seguiu con atención a evolución dos representantes do centro nun programa que fomenta a capacidade argumentativa, a análise crítica e o traballo en equipo. Parlamento Xove reuniu máis de 300 participantes distribuídos en 64 equipos. Na categoría de Secundaria, o triunfo foi para o Colexio Plurilingüe La Salle de Santiago, mentres que en Bacharelato resultou vencedor o IES Nosa Señora dos Ollos Grandes de Lugo.•
Cargando ...
