O domingo 7 de xuño celebrouse o Corpus Christi, unha das festividades máis destacadas do calendario relixioso. En Quiroga, a igrexa de San Martiño reuniu numerosos fregueses e ás familias das dúas nenas que recibiron a primeira comuñón. Tras a misa, a procesión percorreu varias rúas do centro, deténdose en tres altares florais elaborados polos veciños.
En San Clodio, a parroquia mantivo a tradición das alfombras de flores que decoraban o atrio da igrexa. Pola súa banda, en Ribas de Sil os veciños incorporaron ás súas creacións unha referencia á visita do Papa León XIV a España, reproducindo o logotipo oficial da viaxe. Os traballos realizáronse grazas á colaboración das parroquias e dos fregueses, que prepararon as alfombras durante os días previos.•
Cargando ...
