A entidade lembra que a comarca xa sufriu problemas similares noutros municipios e atribúe o deterioro á centralización da xestión en Lugo
A Asociación Veciñal do Saviñao dirixiuse á Consellería de Sanidade para solicitar a cobertura completa das prazas médicas do centro de saúde de Escairón. O colectivo denuncia que, durante o mes de xuño, só un dos tres profesionais atende de maneira estable, mentres que os outros dous cupos quedan cubertos de forma intermitente por persoal eventual. Esta situación, sinalan, está a provocar atrasos e dificultades na atención sanitaria. A entidade lembra que a comarca xa sufriu problemas similares noutros municipios e atribúe o deterioro á centralización da xestión en Lugo. Tamén advirte de que a chegada de familias retornadas no verán incrementará a demanda asistencial. A asociación esixe “unha solución urxente e estable” que garanta o dereito á saúde e permita recuperar a normalidade no servizo.•
Cargando ...
