O Pavillón Deportivo de Chantada acolleu a clausura das Escolas Deportivas Municipais, que desde setembro reuniron 654 persoas inscritas en actividades dirixidas a diferentes franxas de idade. O acto final incluíu exhibicións de baile, ximnasia rítmica e patinaxe artístico, protagonizadas tanto por grupos infantís como por participantes adultos, e contou cunha ampla presenza de familiares e amizades.
O alcalde, Manuel Lorenzo Varela, asistiu á xornada e destacou que “pechamos esta edición con moi boas sensacións”. Desde o Concello agradecen a elevada participación e avanzan que a próxima tempada manterá monitores e instalacións, ademais de incorporar baile profesional para nenas e nenos.•
Cargando ...
