O Concello deu a coñecer o fallo do xurado do 2º Concurso de carteis da Feira Guímara, no que participaron cinco deseños. A proposta gañadora foi Guímaros!!, creada polo veciño Iago López, que destacou pola súa capacidade para representar o espírito reivindicativo asociado á revolta guímara mediante dúas figuras centrais e diversos elementos vinculados á identidade da festa e do territorio. Ademais do cartel vencedor, difundíronse tamén os outros traballos presentados, recoñecendo o nivel artístico e o coidado das propostas. Desde o Concello agradeceron a implicación de todos os autores e autoras, subliñando a elevada participación e a calidade xeral dos deseños participantes.•
Cargando ...
