O programa “Descubrir Quiroga”, impulsado pola Concellería de Turismo en colaboración coa Deputación de Lugo, desenvolveu esta semana un roteiro interpretado por Montefurado. A actividade permitiu achegarse ao antigo enclave mineiro romano e percorreu o tramo do Camiño de Inverno que conecta con Albaredos. O grupo visitou tamén un muíño de aceite afectado polo incendio do pasado verán, onde se explicaron elementos tradicionais das construcións das aldeas. A xornada concluíu con dúas catas dedicadas ao aceite de Aceiroga e aos viños da adega Albaredos – Hobss. O programa continuará os días 27 e 28 de xuño cunha visita guiada polos museos locais e un paseo consciente polo río Quiroga. As prazas dispoñibles requiren inscrición previa na Oficina de Turismo.•
Cargando ...
