A programación estival deseñada polo Concello xa está en marcha coa celebración das Xornadas da Rota do Románico, que se prolongarán ata mediados de xullo. A oferta cultural continuará cun calendario que combina música en directo, actividades familiares e propostas de lecer para diferentes idades.
Os venres de xullo concentrarán boa parte das actuacións previstas na Praza do Concello. O programa inclúe concertos con citas protagonizadas por Pepe Piña, o tributo a El Último de la Fila de El Último Burro, o espectáculo de lume e danza Mystic Fire e a proposta musical de A Gramola Ye Ye.
Xunto á programación cultural, o Concello volverá desenvolver os campamentos infantís de verán entre xullo e agosto. As actividades organizaranse por quendas e estarán dirixidas a nenos de distintas idades, cun horario de mañá e servizo madruga para facilitar a conciliación familiar durante o período vacacional. •
Cargando ...
