A Xunta de Galicia continúa traballando cos representantes empresariais e sindicais na elaboración dun plan integral destinado a mellorar o benestar laboral e reducir o impacto do absentismo. O proceso avanzou esta semana cunha nova reunión técnica na que participaron tamén profesionais vinculados ao ámbito dos graduados sociais.
Durante o encontro analizáronse distintas propostas para afrontar unha realidade que, segundo diversos estudos e informes especializados, mantén unha tendencia crecente nos últimos anos. As partes coincidiron na necesidade de abordar o fenómeno desde unha perspectiva ampla, tendo en conta os diferentes factores que inflúen nas baixas laborais e respectando en todo momento os dereitos das persoas traballadoras.
Entre as cuestións tratadas destacou a importancia de reforzar a prevención de riscos laborais e impulsar protocolos internos que contribúan a mellorar o clima e o benestar nos centros de traballo. A intención é actuar antes de que se produzan situacións que poidan derivar en incapacidades temporais evitables.
Esta sesión súmase ás mantidas con investigadores universitarios, especialistas en saúde laboral, persoal sanitario e responsables de recursos humanos.•
Cargando ...
