A visita incluíu xeoloxía, botánica, patrimonio mineiro e paisaxes singulares
Foto XMC.
Seis dos mellores estudantes galegos de Bioloxía participaron nunha estadía formativa nas Montañas do Courel, nunha iniciativa do Xeoparque Mundial da UNESCO e do Colexio Oficial de Biólogos de Galicia. O grupo estivo integrado por alumnado destacado nas olimpíadas de Bacharelato e ESO, entre eles Cecilia Fernández, mellor nota da PAU en Galicia.
Durante dous días, percorreron espazos como o Museo Xeolóxico de Quiroga, a dobra de Campodola, a fervenza de Vieiros, o meandro da Cubela e Montefurado, acompañados por especialistas en xeoloxía e bioloxía. A visita permitiulles identificar orquídeas, coñecer pegadas glaciares e achegarse á minería romana. O alumnado valorou a experiencia como unha oportunidade singular de aprendizaxe no territorio.•
Cargando ...
