A tradicional danza meiga celebrará os días 28 e 29 de agosto a súa 54ª edición
Foto GPXG.
A Noite Meiga de Sarria afronta este verán unha edición especial. A celebración, unha das máis emblemáticas do calendario festivo da comarca, chegará os días 28 e 29 de agosto á súa 54ª edición, a primeira desde a obtención da declaración de Festa de Interese Turístico de Galicia. [
Nacida en 1971 ao abeiro da asociación cultural Meigas e Trasgos, a cita consolidouse co paso das décadas como unha festa singular na que se mesturan tradición, música, simbolismo e participación popular.
O programa incluirá actividades para o público familiar, a coñecida andaina con fachos polas rúas da vila e varias actuacións musicais. Entre os grupos anunciados figuran De Ninghures, Xosé Lois Romero e Aliboria, Terrae e Broken Peach.
O momento máis esperado volverá ser a Danza da Noite Meiga, unha representación que se converteu no principal sinal de identidade da festa e que cada ano reúne a centos de espectadores.
Segundo destacou a Xunta durante a presentación, o novo recoñecemento turístico abre unha etapa de maior proxección para un evento fondamente arraigado na vida cultural de Sarria.•
Cargando ...
