Chantada coordina o operativo de seguridade para a I Subida Ribeira Sacra

A subdelegada do Goberno en Lugo, Olimpia López, copresidiu xunto co alcalde de Chantada a Xunta Local de Seguridade na que se avaliou o operativo previsto para a I Subida Ribeira Sacra, que terá lugar do 10 ao 12 de xullo. Na reunión participaron representantes da Garda Civil, Tráfico, Policía Local e organización. Analizouse un dispositivo adaptado ao percorrido e ao número de asistentes, co obxectivo de garantir protección para pilotos e público. López destacou a coordinación institucional e lembrou que “a mellor garantía é a responsabilidade compartida”. Tamén se abordaron os plans de seguridade para as festas e eventos pertencentes á programación de verán do concello.•