A Concellería de Turismo programa saídas nocturnas, roteiros e propostas deportivas para todos os públicos
O programa “Descubrir Quiroga” da Concellería de Turismo desenvolverá en xullo unha ampla oferta de actividades. O sábado 11 terá lugar “Ceos de Quiroga”, unha saída nocturna pensada para identificar estrelas e constelacións guiada por unha experta en astronomía. O domingo 12 volverá ao calendario o roteiro das fervenzas, cun percorrido polas cinco caídas de auga situadas en Outeiro, A Seara e Vieiros. O día 18 celebrarase “Noites de Lenda”, un paseo nocturno que combinará historias tradicionais e patrimonio local, e tamén unha actividade de iniciación ao piragüismo en Augas Mestas. A última proposta do mes será o roteiro A Toca, previsto para o día 26, centrado na antiga siderurxia do ferro. As inscricións poden realizarse na Oficina de Turismo.•
Cargando ...
