A asociación Segredos de Pantón difundiu o programa de roteiros que desenvolverá entre xullo e setembro, cun total de catro actividades. O 19 de xullo organizarase unha ruta por Santa María de Ferreira, con visitas a muíños, pasares e ao mosteiro do Divino Salvador. O 1 de agosto celebrarase “O outro románico pantonés”, centrado en elementos patrimoniais como canzorros e pinturas antigas. O 14 de agosto terá lugar un roteiro nocturno por Deade, no que se narrarán historias de gavillas e tradicións do estío. A última proposta será o 6 de setembro, polas terras de Vilamirón, con lendas, antigas capelas e referencias á Torre de Quitapesares. A inscrición poderá formalizarse por correo, redes sociais ou WhatsApp, cun custo de dous euros por persoa.•
Cargando ...
