A Cova das Choias, situada na parroquia de Óutara, foi o destino da visita realizada polo alumnado do obradoiro de emprego despois de concluír a roza do camiño de acceso. Durante o percorrido, os participantes coñeceron as particularidades dun espazo que destaca pola presenza de flora e fauna singulares e que forma parte das rutas municipais incluídas no programa estival Déixate Guiar. Segundo explicou o equipo docente, esta actividade enmárcase na formación práctica que desenvolven ao longo do curso. Nos vindeiros días, o grupo iniciará tarefas de mellora noutros puntos do municipio, entre eles Penas do Castelo, dentro das accións de limpeza en faixas secundarias orientadas á prevención de incendios forestais.•
Cargando ...
