Monforte acolle desde este xoves a duodécima edición do Fancine de Lemos, unha cita dedicada ao cinema fantástico, de terror e ciencia ficción que se desenvolverá ata o domingo en distintos espazos da cidade. O festival iniciou a súa programación coa presentación oficial, a primeira sesión do concurso de curtametraxes e a proxección especial de Scanners, coincidindo co corenta e cinco aniversario da estrea da película de David Cronenberg, á que este ano rende homenaxe o certame.
A actividade continúa hoxe, venres, no Ateneo Casino coa segunda sesión competitiva de curtametraxes e coa proxección nocturna de Scanners III. O sábado celebrarase unha mesa redonda co xurado, unha nova quenda do concurso e a entrega dos premios no Centro do Viño, mentres que o domingo está prevista a repetición das obras gañadoras e a exhibición de Scanners II nos Multicines Hollywood.
Durante toda a fin de semana poderá visitarse tamén no Ateneo Casino a exposición Arcana, inspirada na iconografía dos Arcanos Maiores do tarot e no bestiario medieval. Coa súa programación internacional e a aposta polas novas creacións audiovisuais, o Fancine de Lemos mantense como unha das citas de referencia do cinema de xénero en Galicia.
Cargando ...
