O panel estivo formado por sete especialistas, entre eles Xavier Castro, Sonia García Durán ou María Sineiro Fontenla
As Catas de Galicia 2026 celebradas no Pazo de Quián reuniron 29 mostras de augardentes e licores tradicionais pertencentes a dez empresas, das que dez recibiron galardón. O panel estivo formado por sete especialistas, entre eles Xavier Castro, Sonia García Durán ou María Sineiro Fontenla, que cataron a cegas as elaboracións das indicacións Orujo de Galicia, Licor de Herbas e Licor Café. Durante a sesión, a presidenta do Consello Regulador, Sonia Otero, escoitou dos expertos a valoración da “alta calidade” e da variedade de matices presentes nas mostras. Ademais dos destilados, o certame recoñeceu os mellores viños das denominacións de orixe, con Cuñas Davia como mellor branco de Galicia e Vía Romana como mellor tinto. En Monterrei destacou Alma de Autor, mentres que Esencia Diviña foi o ouro en Rías Baixas. Peza do Rei e Joaquín Rebolledo encabezaron Ribeira Sacra e Valdeorras, respectivamente. Desde o Consello Regulador agradecen o apoio da AGACAL na organización dun evento que reforza o valor dos produtos con indicativo de orixe.•
Cargando ...
