A ruta “Arte no Ar” incorporou esta semana un novo mural promovido pola Asociación Quiroga en Marcha, ampliando a quince as obras que conforman este itinerario artístico ao aire libre. O percorrido, que parte da Oficina de Turismo, reúne creacións de diversos autores que representan escenas vinculadas á identidade local, desde figuras da romaría da Ermida ata imaxes relacionadas co Camiño de Inverno, a apicultura ou a memoria comunitaria. A obra máis recente, situada na rúa dos Tallos, rende homenaxe ás persoas afectadas polo incendio que asolou o municipio no ano 2025.•
Cargando ...
