A renovación das pistas deportivas exteriores do Chanto, en Sarria, entrou na fase de licitación cun orzamento de 292.000 euros. A Vicepresidencia da Deputación achegará 273.000 euros, tras ampliar en 40.000 a súa contribución pola actualización dos prezos. O Concello prevé rematar os traballos en novembro.
A actuación renovará o pavimento da pista de fútbol e incorporará novos peches e accesos para peóns e maquinaria. Nas dúas canchas de tenis repararanse as zonas deterioradas, renovarase a pintura e substituiranse as redes. Na pista de pádel realizaranse labores de limpeza e corrección de desperfectos, ademais do lavado e pintado das paredes. O proxecto abrangue tamén a renovación de peches e mobiliario urbano da contorna. A intervención busca actualizar de maneira integral un dos principais espazos deportivos públicos da vila.•
Cargando ...
