As Festas do Carme celebraranse en Chantada entre o 20 e o 25 de agosto cun programa que combina tradición, música e propostas para todas as idades. O Concello destacou o Folión de Carros do sábado, recoñecido como Festa de Interese Turístico Galego, xunto co Certame de Bandas de Música e a Festa da Empanada que pechará a programación. A primeira noite contará cos concertos de “Los Limones” e “Malenne”, mentres que o venres regresará o “Ata o Chan Festival” con artistas da escena electrónica. O alcalde, Manuel Lorenzo Varela, animou a veciñanza a participar e agradeceu o labor das persoas implicadas na organización dunhas festas que buscan reforzar identidade e convivencia comunitaria.•
Cargando ...
