A XXVI Feira de Produtos Artesanais volveu reunir no Campo da Feira de Samos artesanía, gastronomía e tradición. A cita, organizada pola Asociación de Comerciantes e Artesáns de Samos co apoio da Deputación de Lugo, congregou numerosos postos de venda e incluíu demostracións de oficios tradicionais.
A programación completouse con obradoiros, música e actividades para todos os públicos. O escritor e xornalista Valentín Carrera González pronunciou o pregón inaugural. O deputado provincial de Participación Cidadá, Iván Castro, participou na xornada festiva, que serviu de escaparate para produtores e artesáns e para achegar ao público diferentes elaboracións e oficios tradicionais.•
Cargando ...
