A mostra fotográfica “Gardiáns”, do autor Jorge Arévalo, pode visitarse desde hoxe e ata o 11 de setembro na Praza Vergara Vilariño de Samos. A exposición aborda o traballo diario nas ganderías, a presenza dos animais na cultura, os ciclos vitais e o impacto dos lumes na actividade gandeira.
A iniciativa está promovida pola Federación Galega de Razas Autóctonas (BOAGA) e conta co financiamento da Vicepresidencia da Deputación de Lugo. A mostra, que nos últimos meses se exhibiu no Vello Cárcere de Lugo e na Sala de Exposicións da Deputación, adopta un formato adaptado a espazos ao aire libre para facilitar a súa itinerancia por diferentes concellos da provincia.
A inauguración contou coa presenza do vicepresidente da Deputación, Efrén Castro; da alcaldesa de Samos, Chus López; do autor da mostra, Jorge Arévalo; e de membros de BOAGA.
Cargando ...
