Corte reivindicativo na N-120 para reclamar o arranxo das estradas de Paradapiñol

A mobilización contou coa presenza do alcalde de Quiroga, José Luis Rivera, e de varios concelleiros

Veciños de Paradapiñol, Paradaseca, Rugando e Vilarmel protagonizaron un corte reivindicativo na N-120 para reclamar a reparación das estradas da zona. Os participantes denunciaron os danos acumulados tras os incendios do pasado ano e as choivas recentes.
A mobilización contou coa presenza do alcalde de Quiroga, José Luis Rivera, e de varios concelleiros. Os asistentes reclamaron ás administracións responsables que concreten os prazos das obras pendentes e advertiron de que manterán as protestas ata obter unha solución para os accesos afectados.•