Foto LNG.
A Liga Nacional de Graffiti deixou dez novos murais en Sarria tras reunir do 4 ao 6 de setembro outros tantos artistas na zona deportiva do Chanto. A proba abriu Sarria Acendida, iniciativa promovida polo Concello e financiada pola Vicepresidencia da Deputación.
O primeiro posto foi para Danklabara, artista de Almería, pola obra «Outra vaca no millo», pintada no pavillón da rúa Castelao. O mural representa unha muller maior xunto a unha vaca. Hide Two foi segundo e Konestilo acadou a terceira posición cunha obra dedicada ao Camiño de Santiago.
As intervencións incorporaron referencias ao rural, á lingua, aos oficios, ás mulleres, á música e ás tradicións galegas. A cita incluíu tamén un obradoiro infantil e os dez murais permanecerán no espazo público da vila.
Sarria Acendida continuará ata decembro con actividades culturais.•
Cargando ...
