Monforte abriu esta semana os prazos para participar na Escola Municipal de Música e nas Escolas Deportivas, mentres a matrícula dos cursos da piscina climatizada comezará nos próximos días. A oferta abrangue actividades para diferentes idades do ano.
A Escola de Música iniciou o martes as inscricións para alumnado a partir de seis anos. Ofrece percusión e canto tradicional, teclado, guitarra, gaita, clarinete, frauta, saxofón, trompa, trompeta, trombón, tuba ou bombardino e linguaxe musical. As clases comezarán o 16 de setembro.
As Escolas Deportivas dispoñen de 283 prazas en golf, pádel, kung fu e zumba infantil, ademais de ximnasia de mantemento, tai chi, ioga e zumba para adultos. O prazo permanece aberto ata o 18 de setembro e o curso irá de outubro a maio.
A piscina climatizada completa a programación con 264 prazas en 26 grupos de natación e ximnasia acuática. A matrícula abrirá o luns 14 para persoas socias e o xoves 17 para as non socias. Haberá propostas para bebés, infancia, rapazada e adultos, adaptadas a distintos niveis.•
Cargando ...
