Un establecemento de aloxamento situado no concello de Pantón figurou entre os cinco negocios turísticos da comarca de Lemos beneficiarios das axudas da Xunta destinadas á modernización e renovación de instalacións. O programa, xestionado por Turismo de Galicia, mobilizou un total de 110.700 euros para actuacións en empresas do sector repartidas entre Pantón, Sober, Monforte de Lemos e Bóveda.
As subvencións permitiron financiar intervencións relacionadas coa mellora de equipamentos, a accesibilidade, a eficiencia enerxética, a dixitalización dos sistemas de xestión e a seguridade das instalacións. Tamén se incluíron actuacións orientadas a incrementar categorías e avanzar na obtención de distintivos de calidade.
Durante a presentación do balance destas axudas, o delegado territorial da Xunta en Lugo, Alfonso Villares, destacou o esforzo realizado polos empresarios turísticos para adaptar os seus establecementos ás novas demandas do mercado e reforzar a capacidade de atracción dun territorio estreitamente vinculado ao xeodestino Ribeira Sacra.•
Cargando ...
