Veciñanza e Concello reclaman a reparación da estrada entre Saa e A Veneira de Roques

Os asistentes denunciaron o avanzado deterioro do firme, agravado tras os incendios de 2022

Arredor de cincuenta veciños concentráronse na Pobra do Brollón para reclamar a reparación da estrada provincial LU-P-4707, que comunica Saa con A Veneira de Roques. Os asistentes denunciaron o avanzado deterioro do firme, agravado tras os incendios de 2022 e os traballos posteriores na zona.
Á protesta sumáronse o alcalde, Xosé Lois Maceda, e a concelleira Marián Martínez. O rexedor comprometeuse a solicitar unha reunión coa Presidencia da Deputación para trasladar as demandas da veciñanza e reclamar actuacións na vía, fundamental para o acceso a varios núcleos da contorna e a diferentes puntos de interese patrimonial e turístico.•