A Casa da Memoria de Bóveda acolleu a colocación dunha placa en homenaxe a Manuel Díaz González, coñecido como “o Pequeniño do Incio” e lembrado como o “Médico dos Pobres”. O acto foi promovido pola asociación Memoria é Naufraga coa colaboración da Vicepresidencia da Deputación de Lugo.
A iniciativa serviu para inaugurar as III Xornadas da Memoria, organizadas arredor da figura deste médico e do contexto histórico da represión franquista. Na homenaxe participou o vicepresidente provincial, Efrén Castro.
A programación completouse con conferencias, mesas redondas, concertos, proxeccións, ofrendas florais e teatro en Lugo, O Incio e Bóveda. A placa quedou instalada no inmoble que foi considerado o último refuxio de Díaz González antes da súa detención.•
Cargando ...
