O Auditorio de Chantada acollerá ata o vindeiro 3 de outubro a exposición Manuel Jorge. Unha mirada nova, resultado dun proxecto educativo no que participaron máis de 300 estudantes dos catro centros da localidade.
A exposición presenta traballos elaborados durante o pasado curso a partir da obra do artista chantadino. As creacións inclúen estampaxes, retratos con fíos, composicións cromáticas e propostas arquitectónicas, expostas xunto a pezas orixinais de Manuel Jorge. A iniciativa foi promovida pola Asociación Amigos de Manuel Jorge coa colaboración do Concello de Chantada.•
Cargando ...
