O Concello de Chantada executou actuacións de aforro enerxético na Biblioteca Municipal e no edificio da Policía Local grazas a unha achega de 58.000 euros da Consellería de Economía e Industria.
O delegado territorial da Xunta en Lugo, Alfonso Villares, visitou as instalacións xunto ao alcalde, Manuel Lorenzo. Os traballos, xa practicamente concluídos, permitiron dotar ambos inmobles de calefacción por xeotermia, con solo radiante e bombas de calor adaptadas ás necesidades de cada espazo.
As axudas están financiadas a través do Inega con fondos europeos NextGeneration destinados a fomentar o uso de enerxías renovables para a construcción das infraestruturas públicas.•
Cargando ...
