O programa desenvolveuse durante os meses estivais na Praia Fluvial de San Clodio
O Concello de Ribas de Sil puxo fin á segunda edición das Conversas de Verán cun encontro dedicado á toponimia, conducido polo historiador Manuel Cao. O programa desenvolveuse durante os meses estivais na Praia Fluvial de San Clodio e abordou cuestións relacionadas coa historia local, os costumes e as experiencias vitais de persoas vinculadas ao municipio.
As sesións reuniron participantes de distintas idades nun formato aberto ao intercambio de coñecementos. Ademais das intervencións de Cao, o ciclo incluíu dúas conversas centradas en traxectorias profesionais desenvolvidas fóra da comarca.•
Cargando ...
