Sarria estreou un novo tramo no Rally San Froilán, marcado por un accidente

Un espectador resultou ferido de gravidade ao recibir o impacto dunha roda desprendida dun vehículo en Outeiro de Rei

O concelleiro de Deportes, Félix Seijas, destaca o traballo dos organizadores e dos servizos de seguridade. Foto GPCS.

O Rally San Froilán estreou un tramo en Sarria, que reuniu moitos afeccionados e obrigou a establecer restricións de tráfico durante a competición. O Concello agradeceu a colaboración dos veciños das zonas afectadas e o traballo da organización.
A proba estivo marcada por un accidente ocorrido o sábado, arredor das 19.30 horas, en San Fiz de Paz, no tramo de Outeiro de Rei. Unha roda desprendida dun vehículo saíu despedida e alcanzou a espectadores. Tres persoas resultaron feridas, unha delas de gravidade, segundo o 112 Galicia e a Garda Civil. O ferido máis grave foi atendido no lugar e foi trasladado ao Hospital Universitario Lucus Augusti. O tramo quedou neutralizado.
O concelleiro de Deportes de Sarria, Félix Seijas, expresou os seus desexos de recuperación aos afectados e pediu respecto fronte ao morbo. Tamén recoñeceu o labor da Escudería Miño, dos pilotos, comisarios e voluntarios, así como da Policía Local e Protección Civil. O Concello pediu desculpas polas molestias derivadas dos cortes de circulación e agradeceu a presenza dos afeccionados.•

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

A vacinación chega aos colexios de Monforte, Sarria e Chantada dentro dun programa piloto

Seguinte Nova

Os tradicionais santitos protagonizan un obradoiro de repostería en Sarria

Últimas noticias sobre INICIATIVAS

Ir aInicio

Don't Miss