A Garda Real achega o seu labor á veciñanza
Gonzalo L. Torres
O sur de Lugo converteuse nun dos escenarios do exercicio táctico da Garda Real na provincia de Lugo. En Monforte, a intensa chuvia obrigou a trasladar ao pavillón da Pinguela a exhibición prevista inicialmente na Compañía, mais a cita mantivo unha elevada asistencia de público durante toda a mañá. Escolares e veciñanza puideron coñecer de preto vehículos, drons, armamento, equipos de comunicación e mesmo cabalos da unidade militar. O acto incluíu un izado de bandeira e demostracións dos movementos floreados da Garda Real.
