Literatura á xaponesa

Na biblioteca do IES Daviña Rey

Un grupo de alumnos e alumnas do CEIP A Gándara realizou no instituto monfortino unha demostración de Kamishibai, unha técnica nipona para narrar con imaxes

Un grupo de alumnos e alumnas do CEIP A Gándara de Monforte realizaron a mediados de xuño unha pequena «misión literaria» ó IES Daviña Rey, para desenvolver unha sesión de Kamishibai (narración con apoio de imaxes), moi frecuente na tradición literaria xaponesa. (Foto cedida).

O verán está ás portas, e parece xa tempo de viaxar, aínda que sexa sen saír do propio centro de ensino. A literatura propicia este tipo de viaxes culturales, como o que realizaron alumnos e alumnas do IES Daviña Rey da man do alumnado do CEIP A Gándara, que enviou unha «misión literaria» ó instituto monfortino para ofrecerlles unha viaxe ás tradicións literarias dunha cultura milenaria como é a xaponesa. Un grupo de alumnos e alumnas deste colexio monfortino asombraron ós seus compañeiros do Daviña coa posta en escea dunha demostración de Kamishibai, técnica narrativa nipona que consiste en acompañar o relato oral cunha serie de imaxes, neste caso, elaboradas polos propios alumnos. Dende o IES Daviña Rey agradeceron ós alumnos e alumnas do CEIP A Gándara, así como ás profesoras acompañantes, o detalle de compartir con eles unha divertida e orixinal velada literaria.•

O alumnado do IES Daviña Rey seguiu con gran interés esta demostración, que tivo lugar na biblioteca do instituto monfortino. (Foto cedida).

Deixa unha resposta

Your email address will not be published.

Nova Anterior

Brollón incorpora novas infraestruturas de abastecemento e de ocio nas parroquias

Seguinte Nova

Lugo, a provincia galega onde máis aumentou a poboación con acceso a internet co Plan de Banda Larga

Últimas noticias sobre CULTURA

 
A %d blogueros les gusta esto: