• A rehabilitación da antiga nave de mecanizado, construída nos anos 40, permitirá acoller exposicións ao longo do ano

O Museo do Ferrocarril de Galicia (Muferga), con sede en Monforte, vén de ampliar o seu espazo, logo da inauguración da nova sala expositiva a mediados deste mes. O Museo gañou espazos coa rehabilitación da antiga nave de mecanizado, un edificio que data dos anos 40, e no que se pode percibir a singular fisonomía da arquitectura industrial de mediados do século pasado.
A nave está destinada a acoller exposicións durante todo o ano. A estrea contou cunha mostra de coches exclusivos de época, organizada pola Asociación de Amigos Terra do Incio. En paralelo, o Museo acolleu  a III Feira de Modelismo Ferroviario, organizada pola Asociación de Comerciantes de Mercadillos Ferroviarios de Madrid. •