O IES A Pinguela celebrou recentemente o acto de graduación do alumnado do segundo curso dos ciclos formativos 2022/2024 no edificio Multiusos de Monforte. O acto contou coa presenza do antigo alumno, o piloto Eduardo Iglesias, quen tamén puido disfrutar da actuación musical de Eva, Nuria e Julia, alumnas de 2º de Bacharelato. Os graduados dos ciclos medios e superiores recibiron con emoción as súas bandas, orlas e recordos gráficos e materiais do seu paso polo IES A Pinguela. O director do centro Enrique Sampil e a profesora de FOL, Pilar González Vázquez, aproveitaron a ocasión para desexarlles sorte e lembrarlles que sempre terán as portas abertas desta institución, á que poderán acudir cando o necesiten.
