Convocatoria cultural e axudas por fillo menor en Monforte

A delegación de Cultura e Normalización Lingüística do Concello de Monforte xa convocou o 20o Certame Municipal de Teatro para centros de ensino da cidade, que se realizará entre o 27 de abril e o 25 de maio deste ano. Nel poderán participar todos os centros de ensino de Monforte representando unha soa obra, así como outras asociacións ou colectivos locais como invitados. O derradeiro día para realizar a inscrición é o 15 de marzo. Os premios consistirán nun diploma e unha placa para cada centro. Por outra parte, dende a concellería de Benestar Social tamén informaron de que xa está aberto o prazo para solicitar a concesión da prestación económica de pagamento único por fillo menor a cargo para o ano 2011. O prazo de presentación de solicitudes, que poderán facerse nos Servizos Sociais Municipais e no Centro de Información á Muller de Monforte, rematará o 25 de marzo.