Novos pasos para o Museo Xeolóxico de Quiroga

Visita de Juan Ramón Vidal Romaní ao Museo Xeolóxico de Quiroga fai uns meses. CQ

O alcalde de Quiroga, Julio Álvarez Núñez, e o reitor da Universidade da Coruña, José María Barja Pérez, asinaron fai uns días no Reitorado da Coruña un acordo de colaboración entre a Universidade da Coruña e o Concello de Quiroga. Este convenio asinouse para acadar a colaboración do Instituto Universitario de Xeoloxía “Isidro Parga Pondal”, encabezado polo seu director, Juan Ramón Vidal Romaní e a doutora Aurora Grandal d’Anglade, na posta en marcha do futuro Museo Xeolóxico de Quiroga.

PATRIMONIO XEOLÓXICO

O persoal do Instituto Universitario de Xeoloxía da Coruña visitou hai algún tempo o edificio construído para o museo, e amosaron a súa total disposición para colaborar nesta iniciativa pioneira en Galicia. Na actualidade, o Concello de Quiroga está a rematar a infraestrutura do edificio en función dos contidos cos que se dotará este centro. Así, estes contidos xiran ao redor do importante patrimonio xeolóxico e paleontolóxico da comarca quiroguesa, constituíndo unha temática singular e atractiva para dar a coñecer esta parte do patrimonio natural e, polo tanto, contribuír de xeito activo á súa protección. Pola súa banda, as instalacións do Museo serán o punto de partida para unha ruta xeolóxica que permitirá contemplar e entender sobre o propio terreo os principais elementos que constitúen as distintas salas temáticas nas que se articula.

Deixa unha resposta

Your email address will not be published.

Nova Anterior

Paz Padilla leerá o pregón da XXIX Feira do Viño de Quiroga e decidirá o modelo gañador do Concurso de Camisetas

Seguinte Nova

Curso de cata de viños galegos e viaxes ás feiras do viño

Últimas noticias sobre CULTURA

     
A %d blogueros les gusta esto: