O Presidente da Deputación provincial, José Ramón Gómez Besteiro, recalcou trala reunión mantida recentemente co Alcalde sarriano, José Antonio García, “que o municipio non perde os 1,5 millóns de euros que o organismo provincial consignou para ofrecer ós veciños un servizo polo que levan esperando dende hai 20 anos como é a piscina cuberta”. Besteiro anuncioulle ao rexedor que a institución “fará un novo esforzo económico” e asumirá o 80% do sobrecuste das obras da modificación do proxecto, co que quedaría desbloqueada a súa execución. Ambos mandatarios non pecharon futuras melloras, xa que, segundo indicaron dende o organismo provincial o prioritario é reiniciar as obras da piscina cuberta, cumprindo co convenio asinado e mantendo o investimento en Sarria.
A obra adxudicouse o 25 de marzo deste ano en 1.535.422,50 euros, polo que quedou un remanente de 264.575 euros. Segundo o proxecto rexistrado no Concello pola dirección técnica da obra, o incremento con respecto ó custe inicial derivado da modificación do proxecto é de 307.084,5 euros.
Cargando ...
