Comeza este mes o XXI Certame Municipal de Teatro para centros de ensino

O próximo 24 de abril comezarán as postas en escea correspondentes ao XXI Certame Municipal de Teatro para centros de ensino, que convoca unha vez máis o Concello de Monforte. As oito representacións previstas dentro do programa deste Certame terán lugar a partir das 20,00 horas na Casa da Cultura da cidade do Cabe.

REPRESENTACIÓNS NO MES DE ABRIL

A primeira das representacións correrá a cargo do grupo do CEIP A Gándara, que porá en escea a obra “Os “wachi wachi” buscan fogar”, o martes 24 de abril. O mércores 25 de abril, o grupo do Colexio Ferroviario levará á escea a obra “O mandamais, máis, máis … e as súas máquinas pitipitroncas”. Pola súa parte, o venres 27 de abril o grupo que representa á Fundación Educativa Torre de Lemos competirá coa obra “A pousadeira”.

MES DE MAIO

Xa no mes de maio, o grupo procedente do IES A Pinguela levará á escea a obra “Os crímenes de Lord Artur”, o xoves 3 de maio. Pola súa parte, “Un tolo e máxico camiño” será o título da obra que representará o grupo do Colexio Novo, o venres día 4. O Centro Infanta Elena representará “Si quieres ser jurado ven documentado”, o xoves 10 de maio. Ademáis, participarán como asociacións invitadas Prodeme, que representará “Ao final da corda” o día 2, e a ANPA A Lagoa, coa obra “O caracoliño fachendoso” o día 7. A entrega de premios será o día 10 no colexio Infanta Elena.

Deixa unha resposta

Your email address will not be published.

Nova Anterior

Monforte reviveu na volta ao pasado medieval

Seguinte Nova

O Punto Limpo de Monforte retoma o horario habitual

Últimas noticias sobre CULTURA

Maika Makovski

Unha das actuacións estelares do 17º Ribeira Sacra Festival Onte arrincou unha nova edición do 17º

A %d blogueros les gusta esto: