Comezou na Casa da Cultura de Monforte o curso de formación teatral impartido polo actor Pepe Penabade

Esta acción formativa, que se desenvolverá ata o mes de outubro, intégrase no proxecto teatral Buxiganga, promovido pola Área de Cultura da Deputación de Lugo, que trata de promover o teatro afeccionado a través da formación, a promoción e o estímulo á actividade teatral. O obxectivo deste curso, maiormente práctico, é o achegamento do alumnado ao feito teatral dende o xogo. Desde os aspectos básicos da figura do “Clown”, como a inocencia, a sensibilidade, a tenrura, os participantes han de buscar en si mesmos o pallaso que levan dentro, e farán unha equipa de traballo buscando o divertimento e a creación colectiva. Analizaranse tamén aspectos como o desbloqueo, a desinhibición, a linguaxe dramática, a expresión corporal e a comunicación co público a través de xogos dramáticos e de improvisación.

Deixa unha resposta

Your email address will not be published.

Nova Anterior

Unións Agrarias denuncia graves danos en cultivos, prados e viñedos no sur de Lugo

Seguinte Nova

As Barcas do Cabe van a máis a pesar da crise

Últimas noticias sobre CULTURA

     
A %d blogueros les gusta esto: