A película “Pelerinaxes” proxectarase de balde en Chantada

A deputada de Cultura, Pilar García Porto, e o director do filme, Simone Saibene, na presentación do ciclo.  GPDL
A deputada de Cultura, Pilar García Porto, e o director do filme, Simone Saibene, na presentación do ciclo. GPDL

 

• O vindeiro sábado 29 de outubro, o Auditorio Municipal de Chantada acollerá a proxección da longametraxe “Pelerinaxes”, última creación do director italo-galego Simone Saibene. A proxección, totalmente gratuíta, comezará ás 21,30 horas, dentro do circuíto que o filme está a percorrer polos dez municipios lucenses que integran o roteiro cultural protagonista da cinta.
VIAXE DENDE OURENSE A SANTO ANDRÉ DE TEIXIDO, FEITO EN 1927 POR TRES INTELECTUAIS GALEGOS
A película “Pelerinaxes” recrea a viaxe entre Ourense e Santo André de Teixido que relizaron en 1927 os intelectuais galegos Ramón Otero Pedrayo, Vicente Risco e Xosé Ramón Fernández- Oxea, coñecido como Ben-Cho-Shey. A longametraxe está inspirada  no libro de viaxes que Otero Pedrayo publicou en 1929 baixo o título “Pelerinaxes I”.
ACTORES E ACTRICES GALEGOS
A película está protagonizada pola actriz lucense Carmen Méndez, que encarna a Luzía, unha investigadora que percorre as oito etapas do camiño entre Ourense e Santo André de Teixido para rematar un proxecto audiovisual iniciado na universidade sobre o libro de Otero Pedrayo xunto cun compañeiro. O reparto deste filme confórmano tamén os ourensáns Xoel Yáñez, Alfonso Míguez, Ruth Sabucedo e Isabel Risco.•
A DEPUTACIÓN CUSTEA A DIFUSIÓN DA CINTA
O circuíto, promovido pola Deputación de Lugo, iniciouse o día 8 en Rábade, e fixo parada en Carballedo o sábado 22. Segundo explicou a deputada de Cultura, Pilar García Porto, na presentación do circuíto, a Deputación de Lugo colabora cunha achega económica de 5.000 euros para a difusión da cinta pola provincia. Ademais de Chantada e Carballedo, poderá verse en Palas de Rei, Monterroso e Antas de Ulla, entre outros.•

Deixa unha resposta

Your email address will not be published.

Nova Anterior

Medra o doble o número de visitantes na Ruta do Románico de Chantada e Taboada

Seguinte Nova

O Concello de Sober remata os traballos de acondicionamento no lugar de Outeiro e na rúa da Igrexa

Últimas noticias sobre CULTURA

   
A %d blogueros les gusta esto: