• Celebrarase dende o mércores día 6 ata o domingo 10 de xullo e o festival xirará entorno á relación que teñen o cinema e o mundo dos videoxogos
Xa está en marcha a oitava edición, do Fancine de Lemos, Festival de Cine Fantástico e de Terror, que acollerá a cidade de Monforte entre o 6 e o 10 de xullo deste ano, logo de que esta nova edición fose presentada polo Alcalde de Monforte, José Tomé Roca, a primeira Tenente de Alcalde, Gloria Prada e Iván Patiño, director do festival, nun acto no que se deu a coñecer tanto o cartel oficial coma a súa programación.
O Festival ofrecerá a posibilidade de ver cine ó aire libre, neste caso, no parque dos Condes. “É un xeito diferente para gozar das películas, especialmente na época de verán en que se celebra o Festival”. Un festival que se integra dentro da programación do Verán Cultural monfortino.
O Fancine celebrarase dende o mércores día 6 ata o domingo 10 de xullo e este ano o festival xirará entorno á relación que teñen o cinema e o mundo dos videoxogos. Tamén, o Festival conmemorará o 20º aniversario da película “Resident Evil” e o 40º aniversario da película “Tron”.
Ademais do concurso anual de curtametraxes, eixe principal do Festival, e as proxeccións de longametraxes, o certame terá un sinfín de actividades dende masterclass, obradoiros de maquillaxe ou concertos.
Este ano tamén destacará a exposición sobre videoxogos que levará a cabo a asociación MUVI, primeiro museo de videoxogos de Galicia e a homenaxe que o Fancine de Lemos en colaboración co Concello de Monforte de Lemos.
O pais convidado este ano será México, do que se proxectará unha mostra do cinema fantástico que se fai nese país.
CARTEL OFICIAL
O cartel, que convirte a Monforte nun espazo virtual onde a Torre da Homenaxe xoga un papel central, foi realizado pola artista lucense Isabel Vila Díaz. Iván Patiño explicou que é unha homenaxe ás consolas e videoxogos antigos, pois a Torre imita o logo de Hatari. “O cartel converte a Monforte nunha realidade virtual, en consonancia co lei motiv da edición deste ano”.
NOVOS ESPAZOS
O Festival segue a apostar pola incursión de novos concellos con espazos únicos. Monforte seguirá sendo o eixo das actividades ofertando cinema ó aire libre no Parque dos Condes, como e tratando de recuperar espazos cunha forte impronta coma son a Casa da Cultura Lois Pereiro ou o Ateneo Casino. Tamén porase a disposición do espectador os Multicines Hollywood onde se fará unha premier internacional como apertura do festival. Ademais de Monforte, outros dous concellos uníronse ao Fancine, concretamente Sober e A Pobra do Brollón.
HOMENAXE A JOSÉ LUÍS MONTERO
Dende o Fancine, rendirase homenaxe a figura de Jose Luís Montero, natural de Monforte e que adicou gran parte da súa vida a coleccionar material único da historia de Monforte. Moito de ese material é cinematográfico. Así, farase un pequeno documental que recordará a súa memoria, así coma unha pequena exposición, todo na Casa da Cultura Poeta Lois Pereiro.
COLABORACIÓNS
Outro dos puntos fortes do Festival será a colaboración con MUVI, O museo de Videoxogos de Galicia, ubicado en Cangas do Morrazo, que levará a cabo os días do festival diversas actividades que irán dende exposicións, obradoiros ou charlas, “para achegar o coñecemento dos vellos videoxogos ás novas xeracións”, resaltou Patiño. Outra das colaboracións é co youtuber galego “Recuncho gamer”, que falará do mundo dos videoxogos. •
Cargando ...
