Un ano máis, e van xa 48, celebrouse con notable éxito de público e participación unha nova edición da tradicional Subida a Chantada, proba puntuable para o Campionato de España de Montaña de automobilismo. Este ano, a proba estivo marcada polas altas temperaturas alcanzadas no espectacular percorrido na ribeira chantadina. O gañador absoluto da categoría 2 foi o vasco Joseba Iraola, quen se impuxo ao volante do seu Nova NP02. O piloto vasco dominou de principio a fin, marcando o mellor crono en todas as mangas, mesmo conseguiu superar o record do trazado cun crono de 1:42:794.
O gran rival de Iraola debería ser Javi Villa, con todo, todo empezouse a torcer para o asturiano durante os adestramentos libres do sábado, cando o seu BRC empezou a ter problemas co cambio, ao momento de que se bloqueou totalmente, impedíndolle tomar a saída e obrigando ao seu equipo para cambiar toda a mecánica do BR53. Finalmente o traballo dos mecánicos permitiulle tomar a saída na manga da carreira do sábado, pero finalmente tivo problemas de admisión que lle impediron completar a subida. Ao día seguinte, Villa marcou o segundo mellor tempo na quenda oficial a algo máis dun segundo do líder, pero os problemas de cambio volveron de novo na última manga, o que lle relegou ao terceiro posto na Xeral e Categoría 2. Por delante de Villa en ambas clasificaciones acabó su compañero de equipo Gonzalo Díaz con otro BCR BR53.
En categoría 3, Mario Asenjo obtivo a súa segunda vitoria no que vai de tempada. O piloto cántabro do Silver Car S3 foi o máis rápido dos CM-Promoción nas tres subidas de carreira da fin de semana. Foi unha categoría moi emocionante, pois o sábado os cinco primeiros clasificados terminaron en apenas oito décimas de segundo, sendo Asenjo o único en baixar de 1:58, medio segundo mellor que os seus perseguidores, distancia que mantivo na xornada do domingo. O segundo posto foi para Benito Pérez e o terceiro lugar para Javi Rodríguez.
En Categoría 1, a vitoria foi para o andorrano Gerard da Casa, gran favorito, tras a ausencia do gañador das dúas últimas probas do campionato, José Antonio López-Fombona, aínda que lle tocou sufrir máis da conta, ao sufrir un incidente na manga do sábado que lle impediu chegar a meta.•
Cargando ...
