Grupos de Monforte. Concertos na rúa, unha opotunidade para que os grupos locais mostren o seu traballo

As Festas Patronais de Monforte teñen na súa oferta musical un dos seus principais atractivos. Polo escenario da Compañía pasan importantes grupos e orquestras do panorama nacional. Pero ademais, son unha excelente oportunidade para que os grupos locais poidan subirse a un escenario e mostrar en boas condicións o seu traballo.
Neste sentido, logo da reunión mantida polo Alcalde de Monforte, José Tomé Roca, acompañado pola Concelleira de Cultura, Marina Doutón, e polo responsable de Music Soft, Alberto Espín, cos grupos musicais monfortinos, para buscar unha fórmula que permitira que estas bandas tiveran a súa parte de protagonismo no programa do Verán Cultural do Concello.
Así, acudiron ó Salón de Plenos do Concello os representantes dos grupos musicais que protagonizarán o ciclo “Grupos de Monforte. Concertos na rúa”, un novidoso programa de actuacións que terán lugar nos meses de agosto e setembro e que é, en verbas do Alcalde, “unha aposta decidida do Concello por dar visibilidade e poñer en valor ós nosos grupos musicais da cidade”.
A xuntanza serviu para que José Tomé explicara ós asistentes os últimos detalles deste programa de actuacións, incluído no Verán Cultural de Monforte, que terá lugar en 3 espazos da cidade, como son a praza de España, a zona da Compañía e a praza da Estación, e anuncioulles “que contarán cunha boa produción para que as súas composicións soen coa calidade profesional que merecen”.
Este ciclo de concerto é “unha aposta decidida do Concello de Monforte polos grupos monfortinos, para dar a coñecer a súa creatividade e as súas propostas en diferentes estilos musicais tanto ós nosos veciños como ás persoas que nos visitan”, sinalou o Alcalde. “Neste senso, os representantes dos diferentes grupos agradeceron ó Alcalde a iniciativa “porque da visibilidade ós grupos da cidade”.

Programa
de actuacións
O Alcalde sinalou que por un imprevisto de última hora, o grupo The Poet Silence, que tiña prevista a súa actuación o xoves 1 de setembro na praza da Estación, finalmente non poderá actuar e o seu substituto será o grupo Bella Chaos.
O programa de concertos, todos gratuítos xa comezour coas actuacións esta semana de CERO2CERO, COOL FLANDERS e LOS JINETES DEL TRÓPICO. Pero o programa continuará ao longo do mes de agosto e comezos de setembro.:

• Martes 23 de agosto:
  DINOSAURIOS na Praza da Estación ás 22:30h.
• Martes 23 de agosto:
  DOC MAGOO’S na Praza da Estación ás 00:00h.
• Mércores 24 de agosto:
  PENNY LANE na Zona Compañía ás 22:30h.
• Mércores 24 de agosto:
  MOVILLA Y LOS IRREPETIBLES na Zona Compañía ás 00:00h.
• Xoves 1 de setembro:
  BELLA CHAOS na Praza da Estación ás 23:00h.
• Venres 2 de setembro:
  AD HEIRA LITI na Praza de España ás 22:30h.
  Venres 2 de setembro:
  DELOREANS na Praza de España ás 00:00h.•