Aínda que o repetimos con moita frecuencia, temos que volver resaltar o enorme mérito que ten o Ucoga CB Chantada, que un ano máis, foi capaz de proclamarse campión do seu grupo de liga EBA, e volver gozar dunha fase de ascenso a Leb Prata. E é que tanto o traballo organizativo da directiva que preside Rizo Montengro, o deportivo con Alberto Fafián á cabeza cun cadro de persoal de xogadores que aúna mocidade e experiencia cunha enorme implicación, e toda a vila de Chantada envorcada co seu equipo ben se mereceron o premio de competir nunha nova fase de asecno. Ilusión non lles faltou pero a meta non non era sinxela, e caeron derrotados no primeiro partido por 67-53 ante o UE Mataró liderado por un Juanola Madeira intratable, que se foi aos 22 puntos. No segundo partido, agardábaos un dos anfitrións do torneo, o Huelva Comercio Viridis, un equipo cun amplo potencial e un xogo moi físico que se impuso por un cómodo 87-66 para rematar a fase perdendo ante Refitel Bàsquet Lliria por un axustado 70-73.
Cargando ...
