O Concello de Bóveda conmemorou o Día do Libro cunha serie de actividades que realzan a importancia da lectura e a literatura na nosa comunidade.
Como parte do programa Ler Conta Moito, o Centro Sociocultural de Bóveda abriu as súas portas para recibir a aclamada escritora lucense, Ana Meilán. A sala de actos encheuse de historias e maxia con dúas sesións de contacontos: unha dedicada aos cativos e cativas do CEIP Rosalía de Castro e outra para o público en xeral. Baixo o título “Quen vén esta noite?” os máis pequenos desfrutaron dun espectáculo pensado especialmente para eles, mentres que o segundo acto, “Un universo na túa maleta”, transportou a todos os asistentes a un mundo de aventuras e fantasía.
A Biblioteca Pública Municipal non quedou atrás e organizou a actividade “Qué é para ti un libro”, convidando a todos aqueles que desexasen a compartir o significado dos libros nas súas vidas. Os participantes tiveron a oportunidade de deixar as súas reflexións nun panel e, a cambio, levaron consigo un libro retirado da colección da biblioteca, brindándolle así unha segunda vida e facendo espazo para novas adquisicións.
A Axencia de Lectura Municipal uníuse á celebración ao longo de toda a semana, ofrecendo un agasallo a todos aqueles que se acheguen á biblioteca e compartan as súas achegas no panel dedicado ao Día do Libro.•
Cargando ...
