• A parroquia de Anllo, no municipio de Sober, bota a andar un novo evento musical. Trátase do I Festival Rock & Anllo, que se celebrará o venres 17 de xullo no campo da festa de Anllo Santo Estevo.
GRUPOS DE MONFORTE, VIANA DO BOLO E SOBER, E DOUS DJ’S LOCAIS
Ao longo da noite, os asistentes disfrutarán de actuacións a cargo de cinco grupos. Por unha banda, no I Festival de Rock & Anllo participarán os grupos Doc Magoo’s de Monforte, Cabo da Vila, de Viana do Bolo, e a formación soberina The Carallos. O Festival completarase coa actuación de dous dj’s locais, Nacho, de Rectoral de Anllo, e Iván, de Sistín do Mato.
PARA TODA A COMARCA
O I Festival de Rock & Anllo conta coa colaboración do Concello de Sober. O alcalde, Luis Fernández Guitián, animou a «todos os mozos e mozas da comarca a participar neste novo evento musical», así como «a todos e todas os que se atopen de visita pola Ribeira Sacra».•