A experiencia do confinamento segue de actualidade, desta volta a través dun conto infantil. En Sober, a Biblioteca Municipal e a do CEIP Virxe do Carme veñen de incorporar aos seus fondos varios exemplares do libro «Heroes de primavera», escrito por Patricia Sanmiguel Couso como homenaxe aos nenos e nenas, aos que considera os auténticos «heroes» desta pandemia.
Patricia Sanmiguel está casada cun veciño de Sober, e as súas fillas colaboraron na ilustración do libro, xunto co alumnado de 2º B do CEIP Quiroga Palacios de Santiago de Compostela.
HOMENAXE Á RESILIENCIA DOS CATIVOS NOS DÍAS MÁIS DUROS DA PANDEMIA
O conto infantil busca amosar como os verdadeiros heroes do confinamento foron os máis cativos, pola súa capacidade para adaptarse a cada situación sen perder nunca o sorriso. •
Cargando ...
