• O Concello inviste neste evento, que terá lugar a fin de semana do 16 e 17 de abril, preto de 90.000 Euros, o orzamento máis alto da historia
Xa estás todo preparado para que vote a andar a XVIII Feira Medieval de Monforte, e farao co maior orzamento da súa historia, preto de 90.000 €, para recuperar un dos eventos culturais e lúdicos máis importantes do ano, despois de dúas edicións perdidas por mor da pandemia. Así o destacou o alcalde José Tomé durante o acto inaugural do “Mercado para a Medieval” que se celebrou a pasada fin de semana. “Tras 2 anos de ausencia por mor da pandemia, hoxe por fin podemos dicir que despega a 18ª edición da Feira Medieval de Monforte (…) Foron tempos difíciles, onde a pandemia truncou o noso día a día, e tivemos que adaptarnos a unha nova realidade que alterou as nosas tradicións e a celebración de eventos tan importantes como o Festival do Viño, as Festas Patronais, ou a propia Feira Medieval”, destacou o Alcalde. “Dende que eu son Alcalde”, informou José Tomé, “cada ano fomos incrementando o orzamento destinado para a celebración da Feira, pasando de 41.127,17 euros no ano 2015, antes da nosa chegada ó goberno, ós 89.500 euros para o presente ano 2022, cun incremento de 48.373 euros dende 2015, é dicir, un 117%. Con respecto á última edición de 2019, o incremento foi de 21.235 euros, un 31%. Un esforzo que fai que esta sexa un dos eventos de referencia en Galicia”. •
Cargando ...
