O Motoclub RS Chantada vén de cambiar recentemente de directiva e nesta nova andaina decidiuse recuperar esta celebración que levaba máis de 10 anos sen organizarse
O Concello de Chantada recupera esta fin de semana, 13 e 14 de abril, a celebración da Concentración Mototurística organizada polo Motoclub RS Chantada. O evento, que conta co apoio do Concello, ofrecerá actividades deportivas, gastronómicas, turísticas e musicais para os asistentes. “Esta Concentración é un atractivo turístico máis para dar a coñecer o noso concello. Son benvidas as iniciativas que dinamizan a vila, a hostalería e o comercio, todo o que axude a mover a economía”, asegura Belén Vázquez, concelleira de Deportes. O Concello colabora coa organización, facilitando dous pavillóns para que os participantes dispoñan de espazos gratuítos onde pasar a noite. A axenda da Concentración desenvolverase conforme ao seguinte programa:
Sábado, 13 de abril
- 12:00 Apertura de inscricións.
- 17:00 Xogos Moteros.
- 19:00 Exhibición de Emilio Zamora (Ducati).
- 21:00 Ceo.
- 23:30 Exhibición de Emilio Zamora. Ao rematar, festa con disco móbil e sorteo de minimoto.
Domingo, 14 de abril
- 09:00 Almorzo.
- 11:00 Ruta Turística pola zona da Ribeira Sacra.
- 13:30 Xantar e Entrega de trofeos e sorteo de agasallos.
O Motoclub RS Chantada recentemente renovou a súa directiva e nesta nova etapa decidiu recuperar esta celebración que levaba máis de 10 anos sen organizarse. “Reunímonos con xente nova que se foi incorporando e con algún veterano que estaba na anterior organización e decidimos recuperala, o Concello tamén nos animou a sacala adiante”, sinala Alejandro Eiriz, tesoureiro do Motoclub RS Chantada.
“Temos xogos moteros, exhibicións de Emilio Zamora, faremos rutas pola vila e o domingo baixaremos ata Belesar pola zona da ribeira. Parece que o tempo nos vai acompañar, sentímonos satisfeitos de recuperar o que tiñamos hai anos e poder seguir facéndoa anualmente”, apunta Eiriz.•
